BASHKIA VLORË_________________________________________________________________________
Njoftim për vend të lirë pune
Përgjegjës I Sektorit të Landifillit
Nё mbёshtetje të Ligjit nr.139/2015, “Pёr vetëqeverisjenvendore”, Ligjit nr. 7961,datë 12.07.1995 “Kodi i punës iRepublikës të Shqipërisë” (i ndryshuar); VKB Nr. 36, date 28.03.2019 “Për Ngritjen e Ndërmarrjes Publike Bashkiake për Menaxhimin e Mbetjeve Urbane tëBashkisë Vlorë”, Bashkia e Vlorës shpall konkursin përplotësimin e vendit vakant për stafin e NdërrmarrjesPublike për Menaxhimin e Mbetjeve Urbane të Bashkisësë Vlorës (MIM Vlorë) si mëposhtë:
• Përgjegjës i Sektorit të Landfillit
Detyrat Kryesore që do të kryej personi në këtëpozicion:
• Përgjegjës për mbikëqyrjen dhe drejtimin e të gjitha operacioneve sanitare të landfillit, stafit, infrastrukturës dhe pajisjeve. • Siguron funksionimin efektiv, marrjen e masave parandaluese dhe riparimin e pajisjeve për trajtimin e mbetjeve të ngurtadhe mjeteve lëvizëse;
• Planifikon dhe koordinon përdorimin sa më efikas të zonave të landfillit për të ruajtur hapësirën e landfillit dhe për të zbutur problemet e kontrollit të trafikut, duke përfshirë vendosjen e lokacioneve ditore të hedhjes së mbeturinave dhe përcaktimin e punës përpara fillimit të ditës dhe siguron që të gjitha rrugët brenda dhe jashtë janë të shënuara qartë;
• Planifikon dhe drejton punën e të gjithë punonjësve të angazhuar në asgjësimin e mbetjeve të ngurta dhe aktivitetet e ndërtimit në landfillin sanitar, vlerëson performancën e tyre dhe ofron trajnime dhe zhvillim sipas nevojës.
• Mbikëqyr funksionimin e depozitimit të mbetjeve të ngurta në landfillin sanitar dhe mirëmbajtjen e pajisjeve të deponisë.
• Mbikëqyr ndërtimin dhe zhvillimin e qelizave të reja të landfillit, dhe mbylljen dhe mirëmbajtjen e duhur të qelizave të përfunduara.
• Planifikon, hulumton dhe rekomandon çështje të ndryshme operacionale që kanë të bëjnë me përmirësimin e vazhdueshëm të shërbimeve dhe ofrimin e shërbimeve në deponi.
• Përgatit dhe mbikëqyr me saktësi projektimin e zhvillimeve të landfillit, duke përfshirë specifikimet e planeve dhe vlerësimet e ndërtimit në lidhje me zhvillimet e ardhshme të qelizave, gërmimin e materialit mbulues, sistemimin e nxjerrjes së gazit nga landfilli dhe zhvillimin e sistemit të grumbullimit të kullimit;
• Përcakton dhe ndjek zbatimin e standardeve të sigurisë;
• Koordinohet me komunitetet lokale dhe qëndrore nëse ka ndonjë problem ndotjeje ose shqetësimi publik për menaxhimin e situatave të ndryshme;
• Programon punën rutinore sipas nevojës, p.sh., pastrimin e kanalit të kullimit, riparimet e sipërfaqes së landfillit, kalibrimin e urave të peshimit, servisin e pajisjeve të rënda, kontrollin e mbeturinave, mirëmbajtjen e trajtimit të kullimit, zhvillimin e sistemit të gazit të landfillit, etj.
• Siguron që nevoja për kushte të veçanta operimi të jetë planifikuar paraprakisht;
• Përgatit një sërë raportesh, regjistrash dhe dokumentacioni tjetër të shkruar, dhe përfaqëson ndërmarrjen në një sërë takimesh, eventesh publike, sesione trajnimi, në komitete dhe/ose ngjarje të tjera të lidhura me punën e tij dhe sa herë i kërkohet nga Drejtori i Përgjithshëm;
• Takohet sipas nevojës me Menaxherin e Operacioneve për të informuar statusin e operacioneve rutinë dhe çdo çështje të veçantë;
• Përgjegjës për menaxhimin, trajnimin e stafit dhe përcaktimin e orareve të punës;
• Udhëzon mbikëqyrjen, trajnimin e stafit operacional dhe kryerjen e vlerësimeve të performancës;
• Kryen detyra të tjera që i ngarkohen nga Drejtori i Përgjithshëm.
Kandidatët duhet të plotësojnë kriteret e mëposhtme:
• Të zotërojë diplomë të nivelit bachelor, në degët: inxhinieri ndërtimi, e degë të ngjashme. Diploma e nivelit master përbën avantazh.
• Të ketë përvojë të mëparshme pune në menaxhimin e mbetjeve të paktën 5 vjet në pozicione te ngjashme në institucionepublike apo private;
• Eksperiencë të mëparshme në ndërtim, kryesisht ndërtimin e rrugëve apo konstruksione të tjera të ngjashme;
• Të jetë fleksibël dhe të ketë aftësi për të menaxhuar situata dinamike;
• Të ketë aftësi të forta ndërpersonale dhe aftësi për të punuar mirë si pjesë e një ekipi, si dhe për të menaxhuar kohën dhe njerëzit;
• Të ketë aftësi për të zgjidhur problemet dhe për të marrë vendime, si dhe për të ofruar zgjidhje kreative;
• Të ketë aftësi të mira profesionale, analitike, organizative, etikë të lartë komunikimi dhe të punës në grup;
• Të ketë njohuri të mira të gjuhës angleze;
• Leje drejtimit B,C ose D
Dokumentacioni, mënyra dhe afati i dorëzimit
Kandidatët duhet të dorëzojnë dokumentat si më poshtë:
a- Jetëshkrim i aplikantit (CV)
b- Fotokopje të letërnjoftimit (ID);
c- Fotokopje të noterizuar diplomës
d- Fotokopje të norterizuar të listës së notave
e- Fotokopje të librezës së punës (të gjitha faqet qëvërtetojnë eksperiencën në punë);
f- Vetëdeklarim të gjendjes gjyqësore.
g- Çertifikata kualifikimi, trajnimi (në rast se ka)
h- Vlerësim pune nga punëdhënësi i fundit.
i- Dëshmi të gjuhëve të huaja (në rast se ka)
Si të aplikoni:
Nëse jeni të interesuar për të aplikuar për këtë pozicion, jeni të lutur të dorëzoni dokumentat e cituara më sipër me postë apo drejtpërsëdrejti në Zyrën e Informacionit te Bashkise se Vlorës në adresën: Sheshi “4 Heronjte”, Vlorë, ose në adresën elektronike burimenjerezore@vlora.gov.al brenda datës 28 Dhjetor2021.
Kandidatët do të vlerësohen në lidhje me:
a- Njohuritë, aftësitë, kompetencën në lidhje me pozicionin të punës nëpërmjet intervistës me gojë; 60 pikë
b- Eksperiencën e tyre të mëparshme; (CV, kualifikimet, trajnimet etj.) 40 pike
Në përfundim të vlerësimit të kandidatëve, Bashkia e Vlorës do t’i njoftojë kandidatët individualisht në mënyrëelektronike për rezultatet (nëpërmjet adresës së e-mail) dhe do të shpallë fituesin në faqen zyrtare dhe stendat e informimit të publikut të Bashkisë së Vlorë.
Sigurojmë të gjithë aplikantët se aplikimi juaj do të trajtohet me konfidencialitet të larë dhe sipas ligjit nr.9887, datë 10.3.2008 “Për mbrojtjen e të dhënave personale” dhe Udhëzimin nr.42, datë 22.07.2014 të Republikës së Shqipërisë.
