Titulli i Projektaktit: Miratimi i buxhetit afatmesëm 2024-2026 dhe planifikimi për buxhetin e vitit 2024, bashkia Vlorë.

Propozuesi : Projektakti është propozuar nga ana e Kryetarit të Bashkisë, z. Ermal Dredha.

Sqarime për projektaktin : Relacioni sqarues i projektaktit përcakton arsyet e paraqitura nga propozuesi i projektaktit, të cilat në mënyrë të përmbledhur janë :

• Miratimi i draftit të projektbuxhetit afatmesëm është një vendim i rëndësishëm që merret nga Këshilli i Bashkisë, pasi përcakton fondet që do të përdoren për të gjitha shërbimet / funksionet e ushtruara nga Bashkia dhe performancën e tyre. Këshilli i Bashkisë duhet të sigurohet që fondet publike shkojnë për përmirësimin e shërbimeve që ofrohen nga Bashkia për komunitetin dhe adresojnë nevojat e tyre, brenda kapaciteteve financuese të Bashkisë. Për këtë, Këshilli i Bashkisë do të organizojë këtë konsultim publik për të marrë mendimin dhe sugjerimet e qytetarëve mbi draftin e buxhetit afatmesëm 2024-2026. Gjithashtu, ndryshimet e mundshme apo jo te taksave dhe tarifave në paketën fiskale janë nje element shume i rëndësishëm dhe proces i cili duhet te kalojë përmes konsultimit të gjerë në publik.
• Grupet që do të konsultohen: Banorët e qytetit të Vlorës, të njësive administrative Orikum, Qendër, Novoselë dhe Shushicë, Shoqata e biznesit me perfaqësues nga Dhoma e tregtisë dhe industrisë, OJF dhe Media, Kryetarët e Fshatrave dhe Ndërlidhësit Komunitarë etj.